Foto ©Andrea Thüler/kulturtv.ch
Duur Räge - chüel - Näble hangen abe
Dürehange - dürehaute – ushaute
U haut chly useluege
Lueg di Böim
Wie si ihri Escht fyyn uf z’Wasser lege
Schöön xehts us!
Duur Räge - chüel - Näble hangen abe
Dürehange - dürehaute – ushaute
U haut chly useluege
Lueg di Aare
Wie si fliesst u fliesst u fliesst
U au füf Minute ihri Farb wächslet
Schöön xeht si us!
Duur Räge - chüel - Näble hangen abe
Dürehange - dürehaute – ushaute
U haut chly useluege
Lue dert ds Brahms Röösi
Wie’s mitts i de Rose steit, so useputzt vom Räge
U überhoupt schöön xehts us!
Duur Räge - chüel - Näble hangen abe
Dürehange - dürehaute – ushaute
U haut chly useluege
Lue dert d’ Blüemlere wie si usegeit
Un es Röichli ablaaht derby
Schöön xeht’s us!
Duur Räge - chüel - Näble hangen abe
Dürehange - dürehaute – ushaute
U haut chly useluege
U dr Niese - xeht me nid
Aber i weis, dass er dert hingerem Näbu isch
Schöön xiech er us, we me ne xääch!
Duur Räge - chüel - Näble hangen abe
Dürehange - dürehaute – ushaute
U haut echly....
Alle Texte und Fotos von Andrea Thüler –> hier
Alles zur Stadt Bern in der Stadt Thun –> hier
Keine Kommentare:
Kommentar veröffentlichen