Samstag, 9. August 2014

Andrea Thüler: TurtFrauGarn 9 - Beobachtungen in einer andern Welt zu Turtmann

anlässlich der Triennale Wallis 2014Andrea-Thueler-9-DSC_0073
Foto ©Andrea Thüler/kulturtv.ch

 


TurtfrauGarn 9

Me sött de no


Me sött de no die Schildli laminiere
Chönnt men äch no dä Bode hurti ufnäh?
U em René müesst me säge, wäge…

Mir sötte no e Kasse ha
Me mues dringend e Stock Münz bsorge
Me sött unbedingt die Velo pumpe

Es bruucht Signau uf dr Piste
überhoupt muss me dringend signalisiere
u dä Tisch yche näh wägem Räge!

Me mues dert dringend es Brätt montiere
Me sött no ga dä Schlüssu abgäh
u Gopf wie söu me das putze ohne Lümpe?

Wenn überchunnt me die Liste?
Het’s itz eigetlech e Kasse?
Jesses das Gländer vo dere Stäge!

D’Lüt überchöme ja schwarzi Häng!!!
Das Mikrofon funktioniert nie
Me mues itz ändlech ga dä Ma empfah!

Dert het’s no Notize a de Wäng
Was macht dä Ghüder da?
Me mues sofort zrügg lüte!

Me tarf dert nüt ache schütte!
Me mues de no
Me tät gschyder

Wär het itz wider

Me isch
Me sött
Me

Wär isch eigetlech me?

 


Alle Texte und Fotos von Andrea Thüler –> hier
Homepage Andrea Thüler –> hier
Alles zur Triennale Wallis 2014 –> hier

Keine Kommentare:

Kommentar veröffentlichen